-{ رولات اللحم المحشيه مع رقائق البطاطا }-

زائر

أول شي نحمي الفرن بحرارة 400 فهرنهايت .....

و هذي مقادير حشوة رولات اللحم .....

2 ملعقة كبيرة زيت زيتون .....

بصلة متوسطة مفرومة فرم ناعم .....

فص ثوم مفروم .....

قطعة نقانق مقطعة مكعبات صغيرة .....

أو تقدرون تستخدمون مكانها شرايح مرتديلا مفرومة .....

2 ملعقة كبيرة بقدونس مفروم .....

ربع ملعقة صغيرة يانسون حب .....

ملح و فلفل أسود .....

ربع كوب خبز توست مفروم .....

الطريقه .....

أول شي، نحمي الزيت .....

و نضيف له البصل و الثوم و النقانق .....

و نحرك على نار متوسطة لحد ما يذبل البصل بس بدون تحمير .....

بعدين نضيف له البقدونس و اليانسون و الملح و الفلفل الأسود و نحرك لحد ما تطلع ريحة اليانسون .....

نطفي النار و نخليه يبرد على جنب .....

بعدين نضيف له الخبز و نحركهم مع بعض .....

الحين نبدا نجهز شرايح اللحم .....

و بنحتاج خيط للمطبخ عشان نربط رولات اللحم .....

المقادير .....

4 شرايح ستيك بقري نرققهم بمطرقة اللحم .....

و رش عليهم مطري اللحم قبل بوقت عشان يصير اللحم طري .....

خل بلسميك و ملح و فلفل أسود و 6-4 أعواد جزر و زيت للقلي .....

طبعاً مثل ما قلت شرايح اللحم لازم تكون رقييييقة .....

عشان ما تاخذ وقت في الشوا و غير كذا يسهل علينا لفها .....

نجيب شريحتين و نحط أطرافهم على بعض عشان تصير عندنا شريحة كبيرة .....

و نضربهم بمطرقة اللحم عشان يلصقون مع بعض .....

نرش عليهم شوية خل بلسميك و ملح و فلفل أسود .....

بعدين ناخذ نص مقدار الحشوة اللي جهزناها و نحطها على شريحة اللحم في النص .....

الحين نطوي اللحم بشكل رول .....

أول شي نطوي أول طرف فوق الحشوة .....

بعدين نحاول ندخل الأطراف على داخل و نكمل لف .....

و ننتبه ما نشد بقوة عشان ما تنفتح و تطلع الحشوة .....

و الحين نجيب الخيط و نربط شريحة اللحم الملفوفة زين ما زين .....

عند هاي الخطوه تقدرون تحتفظون بالرولات في الثلاجة و تطبخونها اليوم الثاني .....

نجيب الحين المقلى و نحط فيه شوية زيت يعني ما يكون غزير بس يكفي يغطي قاع المقلى .....

و نحمر الرولات من كل الجهات على نار متوسطة تقريباً دقيقتين لكل جهة .....

في هذا الوقت نجهز صينية الفرن اللي بنحط فيها الرولات .....

و بنحتاج .....

2 بطاطس حجم وسط مقطعة حلقات رقيقة .....

ملح و ثوم و فلفل أسود و أوريغانو و زيت زيتون .....

نصف شرايح البطاطس في الصينية و نرشها بالملح و الفلفل الأسود و الأوريغانو و زيت الزيتون .....

بعدين نجيب رولات اللحم بعد ما حمرناها و نحطها فوق البطاطس .....

ندخلها الفرن في الرف الأوسط بدون ما نغطيها و لمدة نص ساعة .....

و بعد مرور نص الوقت نفتح الفرن عليها و نقلب الرولات على الجهة الثانية .....

و لما تخلص نطلعها من الفرن و نشيل الخيط عنها و نقطعها شرايح .....

و بالهنا و العافيه عليكم -{ رولات اللحم المحشيه مع رقائق البطاطا }- Biggrin

-{ رولات اللحم المحشيه مع رقائق البطاطا }- Biggrin

.....

-{ منقـــــول }-

تحيتي لكــمـ
( `·.¸
`·.¸ )
¸.·´
( `·.¸
`·.¸ )
¸.· )´
(.·´
×´¨) (¨`×
¸.·´¸.·´¨) (¨`·.¸`·.¸
(¸.·´ ( *الشيوخيهـــ* ) `·.¸)
(¨`·.¸`·.¸ ¸.·´¸.·´¨)
`·.¸)

تسلمين ع الطبخهـ وان شاء الله راح اكلهاا اللعائله>>>بس ان شاء الله نايسون غسيل معده>>>خخخخخ

تقبلي ردي ومروري

اختكـ : الرماان الاحمر

دمتى بالود والورد

زائر

زائر

تسلمي والله

ماننحرم